NBA-гийн плей-оффын тоглолтууд эхлэхийн өмнөхөн аварга баг “Денвер Наггетс”-ийн ахлах дасгалжуулагч Майкл Мэлоун ямар бодолтой яваагаа ярьсан байна.
“Бямба гаригаас эхлээд бидэнд байгаа эрхэм зүйлийг минь булааж авахаар 15 баг замд хөндөлсөхийг хичээх болно. Аваргын цомыг минь авах гэнэ. Бүгдээрээ улайран дайрна. Өнгөрсөн улиралд бол бид ийм эсэргүүцэлтэй тулгараагүй. Бүсдээ тэргүүн байрыг итгэлтэй эзлээд, плей-оффт онцгой амжилт үзүүлэх хүсэлтэйгээр орж байлаа. Тэгээд хүссэндээ хүрч чадсан.
Одоо бидэнд юу тулсан гэхээр найман тоглолт дараалан хожигдож, их бухимдан цухалдсан “Лейкерс” хэмээх өлсгөлөн баг. Дараагийн шатанд ч биднийг хэцүү өрсөлдөгч хүлээх болно. Бүсийнхээ авъяастнууд болох Кевин Дюрант, Брэдли Бил, Дэвин Бүкер зургаадугаар байрт орсон. Бүх зүйл өөрчлөгдсөн.
Бид аварга болохыг хүсч буй баг байсан бол одоо аваргын алдраа хадгалж, хамгаалахыг хүсч буй баг болсон. Бид байгаагаа хэнд ч өгөхгүй гээд, зөвхөн хувиа бодох болно” хэмээн Майкл Мэлоун өгүүлсэн байна.
Сэтгэгдэл (0)
Сэтгэгдэл бичигдээгүй байна