Плей-ин буюу бүсдээ 7-8 дугаар байрт шалгарсан хоёр баг тоглоод хожсон нь байраа баталгаажуулж, харин хожигдсон нь 9-10 дугаар байрт орсон багтай плей-оффын эрхийн төлөө тоглох журмын дагуу “Голден Стэйт” плей-оффгүй хоцорлоо. Тэд “Сакраменто”-д 118:94-өөр хожигдсон юм.
Плей-оффт ч тоглож чадахааргүй болсон “Дайчид”-ын лидер Стеф Көрри “Яг одоо бол сэтгэл санаа хэцүү байна. Плей-оффыг үзэх хэрэг байна уу, үгүй юу. Дөнгөж дөрөвдүгээр сарын 16-наас ийм болчих гэж. Би хожмоор байна. Яалаа ч гэсэн хожмоор л байна” хэмээн өгүүлсэн юм.
Харин дасгалжуулагч Стив Керр “Энэ чинь л амьдрал. Амьдрал ийм л байдаг. Үргэлж оргилд байна гэж үгүй. Одоо улирал дундын амралт, бэлтгэл хүлээх цаг боллоо. Бодоод авах хугацаа юм даа” гэжээ.
Сэтгэгдэл (0)
Сэтгэгдэл бичигдээгүй байна