Дэлхийн шилдэг сурагчид хуран чуулсан Олон улсын физикийн 56 дугаар олимпиад (IPhO 2026) Колумб Улсын Букараманга хотод амжилттай зохион байгуулагдлаа.
Дэлхийн 90 гаруй орны 400 гаруй шилдэг сурагч онолын болон туршилтын нарийн төвөгтэй даалгавруудаар өрсөлдсөн энэхүү нэр хүндтэй олимпиадад Монгол Улсаа төлөөлөн оролцсон шигшээ баг түүхэн амжилт үзүүлж, багийн таван сурагч бүгд медаль хүртэн эх орныхоо нэрийг дэлхийн тавцанд өндөрт өргөлөө.
Монгол Улсаа төлөөлөн оролцсон сурагчдаас
Э.Ичинбат – Орхон аймгийн Ерөнхий боловсролын 1 дүгээр сургууль
А.Орхонтуул – МУИС-ийн Ерөнхий боловсролын ахлах сургууль
М.Мөнх-Оргил – Улаанбаатар хотын Ерөнхий боловсролын 1 дүгээр сургууль
Б.Эрмүүн – Шинэ Монгол сургууль нар Мөнгөн мeдаль,
Г.Амармэнд – Дархан-Уул аймгийн Од сургууль Хүрэл мeдаль тус тус хүртжээ.
Шигшээ багийн ахлагч Г.Мөнхбаяр, МУИС-ийн Шинжлэх ухааны сургуулийн Байгалийн ухааны салбарын захирал, доктор, дэд профессор; МУИС-ийн багш М.Отгонбаатар; Монгол Улсын Гавьяат багш М.Ганбат; Ерөнхий боловсролын 1 дүгээр сургуулийн захирал Р.Энхбат; багш Н.Оюунчимэг; Олонлог.exe сургуулийн багш Э.Гүндалай нарт шигшээ багийн сурагчдыг бэлтгэн, тив дамнан урт замыг туулж, Монгол Улсын нэрийг дэлхийн тавцанд өндөрт өргөхөд томоохон нөлөө үзүүлжээ.
Сэтгэгдэл (0)
Сэтгэгдэл бичигдээгүй байна