Дорнод аймгийн Цагаан-Овоо суманд ерөнхий боловсролын сургуулийн 150 хүүхдийн ортой дотуур байрны барилга, Баяндун суманд 160 хүүхдийн суудалтай бага сургуулийн барилга ашиглалтад орно.
Боловсролын яам, Боловсролын ерөнхий газар, Барилгын хөгжлийн төв хамтарсан ажлын хэсэг Дорнод аймгийн Боловсролын газар, Газрын харилцаа, барилга, хот байгуулалтын газрын төлөөлөлтэй хамтран сумдад ажиллаж байна.
2024 оны 11 дүгээр сарын 11-ний өдөр Цагаан-Овоо, Баян-Уул, Баяндун суманд ажиллажээ.
Цагаан-Овоо суманд баригдаж буй ерөнхий боловсролын сургуулийн дотуур байрны барилгын ажлын явцтай танилцаж, гүйцэтгэгч “Өндөр баганат” ХХК-д ажлын явцыг түргэсгэх, гүйцэтгэлд гарсан алдаа зөрчлийг арилгаж, энэ онд багтаан ашиглалтад оруулах үүрэг даалгавар өгчээ.
Баян-Уул суманд баригдаж буй ерөнхий боловсролын сургуулийн 160 хүүхдийн дотуур барилгын ажлын явц 70 хувийн гүйцэтгэлтэй, технологийн зогсолт хийсэн байна. Барилга угсралтын ажлын явцтай танилцаж, гүйцэтгэгч “Дорнын оч” ХХК-д үүрэг барилгыг 2025 оны 7 дугаар сард ашиглалтад оруулах чиглэл өглөө.
Баяндун суманд баригдаж буй 160 хүүхдийн суудалтай бага сургуулийн барилгын ажлын явцтай танилцаж гүйцэтгэгч “Дуутын нуруу” ХХК-д , ажлын явцыг түргэсгэх, гүйцэтгэлд гарсан алдаа зөрчлийг арилгаж, энэ онд багтаан ашиглалтад оруулах үүрэг даалгавар өгсөн байна.
Сэтгэгдэл (0)
Сэтгэгдэл бичигдээгүй байна