НИЙСЛЭЛИЙН БҮХ ШТС-Д АИ-92 БЕНЗИНИЙГ ӨНӨӨДРӨӨС ХЯЗГААРЛАЛТГҮЙГЭЭР ОЛГОЖ ЭХЭЛНЭ

Улаанбаатар хотын бүх шатахуун түгээх станцад АИ-92 автобензинийг өнөөдөр /2025.10.28/ өглөөний цэнэглэлт дууссаны дараа өдрөөс эхлэн ямар нэгэн хязгаарлалтгүйгээр олгож эхэлнэ гэж Аж үйлдвэр, эрдэс баялгийн яамнаас мэдээллээ.  

Өнөөдөр /2025.10.28/ өглөөний байдлаар Монгол Улсын нутаг дэвсгэрт нийт 55 вагон АИ-92 автобензин байршиж байна.

• Улаанбаатар хотод:
• Хот дотор – 5 вагон
• Толгойт өртөөнд буулгахаар ирсэн – 19 вагон
• Аршаант өртөөнд – 6 вагон

Нийтдээ 30 вагон буюу 3,000 тонн АИ-92 бензин Улаанбаатар хотын хэрэгцээнд хүргэх юм. .

Орон нутагт:

• Дархан хотод – 5 вагон
• Сүхбаатар өртөөнөөс хөдөлсөн – 20 вагон, үүнээс
• Эрдэнэт хот руу – 10 вагон
• Сайншанд хот руу – 5 вагон

Мөн өнөөдөр 16 цагт ОХУ-ын Наушкийн өртөөнөөс 36 вагон АИ-92 автобензин, 29 вагон дизель түлш буюу нийт 65 вагон шатахуун хөдөлж, шөнөдөө Сүхбаатар боомтоор орж ирэх юм.