Төрийн албаны тухай хуулийн шинэчилсэн найруулгын суурь шинэтгэл чадахуйн зарчмын хэрэгжилт, “Алсын хараа-2050” Монгол Улсын урт хугацааны хөгжлийн бодлогод дэвшүүлсэн “Иргэндээ үйлчилдэг, мэргэшсэн, чадварлаг, ил тод, үр нөлөөтэй, ухаалаг төрийн албыг төлөвшүүлнэ” зорилтын эхний үе шатын хэрэгжилтийг хангах зорилгоор Төрийн албаны зөвлөлөөс “Төрийн албан хаагчийн чадамжийн хүрээ”-г шинэчлэн баталжээ.
Чадамжийн хүрээг шинэчлэхдээ хуульд заасан ур чадвар, ёс зүй, үнэт зүйл, хууль эрх зүйн мэдлэг хэрэглээ, Монголын түүх, нийгэм, соёл, эдийн засгийн мэдлэг, монгол хэл, бичгийн мэдлэг, хэрэглээ, шүүн тунгаах, өөрчлөлтөд дасан зохицох, инновац ба шинийг санаачлах, гадаад хэлний мэдлэг хэрэглээ, манлайлах, удирдан зохион байгуулах, багаар ажиллах, цахим чадвар зэрэг 12 цогц агуулгыг шингээсэн байна.
Төрийн албан хаагчийн чадамжийн хүрээг ерөнхий болон төрийн захиргааны, төрийн тусгай, төрийн үйлчилгээний албан хаагчийн ангиллаар тус тус баталсан. Ингэснээр
- “Төрийн жинхэнэ албаны удирдах болон гүйцэтгэх албан тушаалд тавигдах тусгай шаардлага” болон “Албан тушаалын тодорхойлолт боловсруулах нийтлэг журам”-ыг шинэчилнэ.
- “Төрийн албаны шалгалт өгөх болзол болон шатлан дэвшүүлэх, сонгон шалгаруулах журам”-ын шинэчилж, төрийн албаны шалгалтын даалгаврын санд шинжилгээ хийлгэх, шинэчлэх, баяжуулах, тохирц нийцлийг шалган хэрэглэх ажлыг жил бүр хэрэгжүүлнэ.
- "Төрийн албан хаагчийн хувийн хэрэг хөтлөх журам" болон "Төрийн албан хаагчийн анкет"-ын маягтыг шинэчилнэ.
- Мэргэшүүлэх багц сургалт болон богино, дунд хугацааны сургалтын хөтөлбөрийг шинэчлэх төсөл, төрийн албан хаагчийн сургалтын хэрэгцээг тогтмол тодорхойлдог болох үйл ажиллагааны саналыг боловсруулж Засгийн газрын Хэрэг эрхлэх газарт хүргүүлнэ.
- Төрийн захиргааны албан хаагчийн чадамжийн хүрээний оношилгооны шалгалтыг 2025 оны 12 дугаар сард багтаан зохион байгуулна.
- Төрийн албан хаагчийн чадамжийн хүрээнд нийцүүлж, “Хүний нөөцийн удирдлагын мэдээллийн тогтолцоо” цахим системд нэмэлт хөгжүүлэлт хийнэ.
Сэтгэгдэл (0)
Сэтгэгдэл бичигдээгүй байна