Хөвсгөл аймгийн Тариалан суманд алга болсон 2 настай хүүг эрэн хайх үйл ажиллагааг албан ёсоор зогсоох хүсэлтийг ар гэрийнх нь зүгээс өчигдөр /2025.09.23/ 20 цагийн үед гаргасан. Гэхдээ орон нутгийн хэмжээнд байгаа хүчээрээ эрлийг үргэлжлүүлэх шийдэлд хүрсэн талаар тус аймгийн Онцгой байдлын газрын дарга, дэд хурандаа С.Ганболд Tsahiur.mn сайтын сэтгүүлчид ярилцлага өгөх үеэрээ мэдэгдлээ.
Эрлийн баг өнөөдөр /2025.09.24/ Сайхан уулаас 10 гаруй км зайд байрлах Хувт уулыг самнана.
Мөн Тариалан сумын нутагт 9 дүгээр сарын 21-ний өдрийн 15-16 цагийн орчимд 46 настай Э гэдэг эмэгтэй алга болсон талаар мэдээллийн дагуу эрэн хайх ажиллагаа зохион байгуулж эхэлжээ.
Тариалан сумын Давааны-Ар багийн "Дуургын нуруу" гэдэг газарт /аймгийн төвөөс зүүн хойд зүгт 230 км, Тосонцэнгэл сумаас зүүн хойд зүгт 130 км, Тариалан сумаас хойд зүгт 70 км/ Тосонцэнгэл сумын харьяат 4 хүн самар түүж байснаас Э нь отгоосоо 1 км зайтай газарт түүсэн самраа сахиж үлдээд хамт явсан хүмүүс нь буцаж ирэхэд нь сураггүй болсон байсан аж.
Сэтгэгдэл (0)
Сэтгэгдэл бичигдээгүй байна