Нийслэлийн иргэдийн төлөөлөгчдийн хурлын дарга А.Баяраар ахлуулсан Түгжрэлийг богино болон дунд хугацаанд бууруулах ажлын хэсгийн хурлаар нэгдүгээр эгнээний буюу зам дагуух авто зогсоолын талаар хэлэлцжээ.
Авто зогсоолын өнөөгийн нөхцөл байдал, тулгамдаж буй асуудал болон цаашдын төлөвлөгөөний талаар Ерөнхий Архитектур Ч.Төгсдэлгэр танилцуулсан байна. Нийслэлийн Засаг даргын захирамжаар Улаанбаатар хотод 40 байршилд их багтаамжийн зогсоол барихаар төлөвлөж, ажлын хэсэг байгуулан ажиллаж байгаа гэнэ.
НИТХ-ын дарга А.Баяр их багтаамжийн зогсуулуудыг төлөвлөгөөний дагуу хувийн хэвшлүүд нь хийгээд явах нь зөв, харин нэгдүгээр эгнээ буюу зам дагуух зогсоолуудыг орхигдуулж болохгүй гээд нэгдүгээр эгнээний зогсоолуудыг нэмж барих боломжит байршлуудыг гаргаж танилцуулахыг Ерөнхий архитектурт үүрэг болгожээ.
Мөн иргэд гэрийнхээ зогсоолыг өдрийн цагаар, албан байгууллагууд оффиссынхоо зогсоолыг шөнө түрээслэдэг болгох боломжийг судалж, ажлын хэсгийн дараагийн хурлаар хэлэлцэхээр тогтсон байна.
Сэтгэгдэл (0)
Сэтгэгдэл бичигдээгүй байна