ЭРДЭНЭС ТАВАНТОЛГОЙН ХУВЬЦААНЫ НОГДОЛ АШГИЙГ ХЭРХЭН АВАХАА Е-MONGOLIA РУУ ОРЖ СОНГОНО

“Эрдэнэс Тавантолгой” ХК-ийн 1072 ширхэг хувьцааны ногдол ашгаа хэрхэн авахаа иргэн Е-Mongolia аппликейшнд нэвтрэн орж, дараах 3 сонголтоос сонгоно. 

Үүнд:

• Бэлэн мөнгө
• Хуримтлалын сан
• Хандив гэсэн төрлөөс сонголтоо хийгээрэй.  

Мөн 2025 оны 2 дугаар сарын 26-ны өдөр хүртэл хийсэн сонголтоо өөрчлөх боломжтой. 

Энэхүү сонголт нь цаашид "Үндэсний баялгийн сан"-ийн бодлогыг иргэдийн хүсэл сонирхолд нийцүүлж, эрдэс баялгаас иргэдэд олгож буй ногдол ашгийн нийгэм, эдийн засгийн үр өгөөжийг нэмэгдүүлэхэд өндөр ач холбогдолтой тул иргэн санал асуулгад идэвхтэй оролцоорой. 

Санал өгөөгүй тохиолдолд ногдол ашиг шууд  данс руу шилжинэ.

 Дараах иргэдийн хувьд 1072 хувьцааны тоо ширхэг нь харилцан адилгүй байна.

Үүнд:

•  Бэлэн мөнгө (1.0 сая төгрөг)-өөр хишиг хүртсэн өндөр настан, хөгжлийн бэрхшээлтэй иргэд;
•  Сургалтын төлбөр хэлбэрээр 2010-2011, 2011-2012 онд хишиг, хувь хүртсэн оюутан;
• ЭМД-ын шимтгэл хэлбэрээр хишиг, хувь хүртсэн иргэд;
•  Сайн хувьцаа арга хэмжээний хүрээнд ЗГ-т хүсэлт гарган хувьцаагаа худалдсан иргэд.

                     Эх сурвалж:  Цахим хөгжил, инновац, харилцаа холбооны яам