Санхүүгийн зохицуулах хорооноос олгосон тусгай зөвшөөрөлтэйгөөр 2024 оны байдлаар 573 банк бус санхүүгийн байгууллага (ББСБ) үйл ажиллагаа явуулсан нь өмнөх онтой харьцуулахад 8.3 хувиар өссөн байна. Банк бус санхүүгийн байгууллагуудын 4.9 хувь нь гадаадын, 95.1 хувь нь үндэсний хөрөнгө оруулалттай байгаа аж. Банк бус санхүүгийн байгууллагуудын нийт хөрөнгийн хэмжээ 7.1 их наяд төгрөгт хүрч өмнөх оноос 2,455.1 тэрбум төгрөгөөр буюу 52.5 хувиар, 2020 оноос 3.6 дахин өсжээ.
Санхүүгийн зохицуулах хорооноос улирал бүр эрхлэн гаргадаг “Санхүүгийн салбарын тойм” өнгөрсөн оны дөрөвдүгээр улирлын тойм гаргасан байна. Тус тойм мэдээнд салбарын төлөв, хүртээмжийн үзүүлэлт, бүтээгдэхүүн үйлчилгээ, ашигт ажиллагаа, тогтвортой байдал, бодлого зохицуулалтын талаарх мэдээлэл багтжээ. Мөн хөрөнгийн зах зээлийн бүлэгт уул уурхай гаралтай түүхий эдийн зах зээл /дуудлага арилжаа/ -ийн тоон мэдээлэл, банк бус санхүүгийн байгууллагын бүлэгт ногоон зээлийн бүтээгдэхүүн үйлчилгээ, сэндбокс бүлгийн шинэ бүтээгдэхүүн үйлчилгээ болон мөнгөн зээлийн үйл ажиллагаа эрхлэгчдийн мэдээлэлтэй танилцах боломжтой.
“Санхүүгийн салбарын 2024 оны 4 дугаар улирлын тойм"-той энд дарж танилцана уу.
Сэтгэгдэл (0)
Сэтгэгдэл бичигдээгүй байна