2025 оны 1 дүгээр сарын байдлаар Улаанбаатар хотод орон сууцны үнэ өмнөх оны мөн үеэс 13.3 хувиар, өмнөх сараас 0.5 хувиар тус тус өсжээ.
Шинэ орон сууцны үнэ өмнөх оны мөн үеэс 11.2 хувиар өсөж, харин өмнөх сараас 2.0 хувиар буурсан бол хуучин орон сууцны үнэ өмнөх оны мөн үеэс 15.0 хувиар, өмнөх сараас 2.3 хувиар тус тус өссөн аж.
2025 оны 1 дүгээр сард шинэ орон сууцны 1 метр квадрат талбайн дундаж үнэ 4.53 сая төгрөг болж, Сүхбаатар дүүрэгт хамгийн өндөр буюу 5.82 сая төгрөгийн үнэтэй байна.
Харин хуучин орон сууцны 1 метр квадратын дундаж үнэ 4.42 сая төгрөг болж, Сүхбаатар дүүрэгт хамгийн өндөр буюу 5.82 сая төгрөгийн үнэтэй байгаа юм.
2025 оны 1 дүгээр сард шинэ орон сууцны дундаж үнэ өмнөх оны мөн үетэй харьцуулахад Сүхбаатар дүүрэгт 40.0 хувь ( 1 сая 660.1 мянган төгрөг)-аар өссөн нь хамгийн өндөр, Хан-Уул дүүрэгт 8.6 хувь (359.3 мянган төгрөг)-аар өссөн нь хамгийн бага байна.
Хуучин орон сууцны хувьд Сүхбаатар дүүрэгт 30.6хувь (1 сая 361.2 мянган төгрөг)-аар өссөн нь хамгийн өндөр, Хан-Уул дүүрэгт 12.5 хувь (525.3 мянгантөгрөг)-аар өссөн нь хамгийн бага байгаа аж.
Сэтгэгдэл (0)
Сэтгэгдэл бичигдээгүй байна