NBA-гийн хэд хэдэн клубын менежерүүд Бронни Жэймсийг дэндүү хий хоосон хөөрөгдсөөр байгаад бүтэлгүйтэлд хүргэх гэж байна үзэж буй ажээ. Энэ талаар ESPN-ийн тоймч Бакстер Холмс өгүүлсэн байна.
Драфтын 55-аар “Лейкерс”-ийнх болсон Бронниг Дорнод бүсийн нэгэн клубын скаут “Тэр гарцаагүй бүтэлгүйтнэ. Яагаад гэвэл түүний хэр хэмжээнээс давсан зүйлсийг хүмүүс хүсэн хүлээж байна” гэжээ.
Леброн Жэймсийн багт очсон ямар ч шинэ тоглогч үргэлж олны анхаарлын төвд шууд ордог. Байнга тоглолт, биеэ авч яваа байдал зэргийг нь томруулдаг шилээр харж, шүүдэг. Тиймээс энэ дарамтыг Бронни давж чадахгүй гэж үзэж буй аж.
“NBA-д тоглохоор очиж буй шинэ тоглогчид хамгийн таарамжгүй баг нь “Лейкерс” гэж Өрнөд бүсийн нэгэн клубын менежер Холмст хэлсэн аж. Ер нь Леброн болон түүний агент Рич Пол нар Броннигийн ур чадвараас давсан зүйлийг нуруун дээр нь үүрүүлчихээд байгаа гэжээ. “Бронни байх ёстой чанар чадварт хүрэхэд хичнээн хол байгааг тэд ойлгож, мэдэрсэн бол ийм алхам хийлгэхгүй байх байсан” хэмээн тухайн клубын менежер хэллээ хэмээн Холмс нэрийг нь дэлгэлгүйгээр тэмдэглэжээ.
Сэтгэгдэл (0)
Сэтгэгдэл бичигдээгүй байна