Хан-Уул дүүргийн 8 дугаар хорооны нутаг дэвсгэр “Чингис хаан” олон улсын нисэх буудал хүртэлх тууш зам руу орох хэсэгт өнөөдөр /2024.03.27/ өглөө 17 хүртэлх тооны автомашин мөргөлдсөн гэх дуудлага мэдээллийн дагуу цагдаагийн байгууллага шалгалтын ажиллагаа явуулж байна.
Цаг агаарын нөхцөл байдлаас шалтгаалж, үзэгдэх орчин хязгаарлагдмал болох, замын зорчих хэсэгт халтиргаа, гулгаа үүсэх нөхцөл байдал үүсэж байгаа тул
-Тохиромжтой хурдыг сонгох:
-Хажуу, хоорондын зайг зөв барьж явах;
-Хөдөлгөөн эхлэх, чиг өөрчлөн байрлан явах үйлдлийг зөв гүйцэтгэх;
-Аюул бүхий хэсэгт гүйцэх, гүйцэж түрүүлэх үйлдлийг хийхгүй байх;
-Шил арчуур, цан үлээгүүр зэрэг техникийн бүрэн байдлыг хангасан байх;
-Зайлшгүй зогсолт хийсэн тохиолдолд бусдад анхааруулах, аюулгүй байдлыг бүрэн хангаж хөдөлгөөнд оролцохыг Тээврийн цагдаагийн албанаас зөвлөж байна.
Сэтгэгдэл (0)
Сэтгэгдэл бичигдээгүй байна