Төсвийн 318 тэрбум төгрөгөөр худалдан авсан "ногоон автобус" хуучин байсан нь өнгөрсөн онд шуугиан дэгдээж, Нийслэлийн Засаг дарга Д.Сумъяабазар албан тушаалаасаа огцорсон. Мөн Түгжрэлийн сайд Ж.Сүхбаатар албан тушаалаасаа огцорсны зэрэгцээ уг асуудлаар гэмт хэрэгт шалгагдаад явж байгаа.
УИХ-аас "Ногоон автобусны худалдан авалтыг шалгах" түр хороо байгуулсан. Тус хороо анхны хурлаа хийж, даргаараа УИХ-ын гишүүн Ж.Бат-Эрдэнийг сонгожээ. Түр хороо эхлээд Ногоон автобусны асуудлаар шинжээч томилж ажиллуулаад дараа нь мэдээллийг олон нийтэд гаргах асуудлыг ярих гэнэ.
Түр хорооны гол ажил бол сонсгол хийж, иргэдэд мэдээлэл өгөх юм. Ногоон автобусны асуудлыг яагаад нууцад оруулсан, тендер хууль зөрчсөн эсэхийг судлаад нээлттэй сонсгол зохион байгуулна. Хуулийн байгууллага уг хэргийг шалгаж байгаа ч энэ нь нээлттэй сонсгол хийхэд саад болохгүй гэж үзэж байгаа юм байна.
Сэтгэгдэл (0)
Сэтгэгдэл бичигдээгүй байна