Сэтгүүлч Н.Өнөрцэцэгийн хэргийг Нийслэлийн Эрүүгийн хэргийн давж заалдах шатны шүүх ирэх долоо хоногийн пүрэв гаригт буюу 11 дүгээр сарын 7-нд хийхээр товложээ. Тэрбээр шүүх хурлыг олны нүд, чихэн дээр ил тод, нээлттэй хийж өгөхийг хүсэж, ил захидал илгээсэн нь хэвлэлүүдээр мэдээлэгдсэн. Н.Өнөрцэцэг ил захидалдаа "Сэтгүүлч миний бие ямар гэмт хэрэг үйлдэв, яагаад хүний аминд хүрсэн гэмт хэрэгтнүүдээс болон авилгач дарга нараас өндөр ял авав гэдгийг олон нийт та бүхэн ч мэдэх хэрэгтэй болов уу.
Эрх чөлөөгөө хасуулан, элэг жиндэм өргөс торны цаана эмтэрч суугаа сэтгүүлч миний цорын ганц хүсэл гагцхүү шүүх хурлыг нээлттэй, олны нүд, чихэн дээр хийж өгөөч гэх хүсэл шүү. Дахиад хүсье, Давж заалдах шатны шүүх хурлыг нээлттэй явуулж өгөөч. Шударга шүүх байгаа гэдэгт би итгэсэн хэвээрээ байгаа шүү." гэж бичсэн юм.
Дашрамд дурдахад төрийн өндөр албан тушаалтнуудын авлига, албан тушаалын гэх хэргүүд сүр дуулиантай шалгагдаж эхэлдэг ч хамгийн ихдээ 4-5 жилийн хорих ял л авсан байдаг.
Н.Өнөрцэцэгийг анхан шатны шүүх хэд хэдэн хэргээр буруутгаж, нийт 4 жил 9 сар хорих ял оногдуулсан юм.
Сэтгэгдэл (0)
Сэтгэгдэл бичигдээгүй байна