Баянзүрх дүүргийн иргэдийн Төлөөлөгчдийн Хурлын дарга Ч.Мэндсайхан дүүргийн хэмжээний төрийн өмчийн Ерөнхий боловсролын сургуулийн захирлуудтай уулзалт хийжээ.
Тэрбээр "Аливаа улс орны ирээдүйн хөгжил өнөөдөр боловсролын салбартаа хэр анхаарснаар хэмжигддэг нь нэгэнт батлагдсан" гэдгийг онцлоод 2026 оныг “Иргэн төвтэй соёл хөгжлийн жил” болгосонтой холбоотойгоор боловсролын салбарт 10 цогц төслийг хэрэгжүүлэхээр төлөвлөсөн талаараа танилцуулсан.
Эдгээр төсөл нь дүүргийн хэмжээнд өмнө нь ямар нэг хэмжээгээр хэрэгжиж байсан, хэрэгжих суурь нь тавигдсан байсан. Харин энэ удаа нэгтгэж, төсөв, ажлын хэсэг гарган хэрэгжүүлж байгаагаараа онцлогтой.
Нэгэнт боловсролын салбарыг түшиглэн хүүхдийн хөгжлийн дэмжихээр хэрэгжүүлж буй тул дүүргийн хэмжээнд үйл ажиллагаа явуулж буй төрийн өмчийн ЕБС-ийн захирлууд болон Боловсролын хэлтсийн дарга О.Мөнх-Эрдэнэ нарт танилцуулж, санал солилцжээ.
Төслүүдийг танилцуулбал,
- Монгол ахуй тойрон аялал – Гачууртын Дэндигийн аманд амьдарч буй малчин өрхүүдийн аж байдалтай ЕБС-ийн ахлах ангийн сурагчдыг танилцуулж, өв соёлоо сурталчлан таниулж, түгээн дэлгэрүүлнэ.
- Аюулгүй амьдрах ухааны сургалтын танхим – Одоо 2 цэцэрлэгт байгуулаад байгаа. Гамшгийн эрсдэлээс урьдчилан сэргийлэх, хариу арга хэмжээ авах дадал хэвшил олгох сургалтын танхимыг 2026 онд 5 цэцэрлэг, 5 сургуульд байгуулна.
- Тийбол – Тийболын спортыг дүүрэгтээ түгээн дэлгэрүүлж, гэмт хэрэг, зөрчлөөс бага насны хүүхдүүдийг хамгаалах, хөгжүүлэх, спортоор хичээллүүлж, амжилт гаргах нөхцлийг бүрдүүлнэ
- Хөгжлийн хавтас – Дүүргийн цэцэрлэгийн сурагчдыг “Хөгжлийн хавтас”-тай болгож, олон улсын туршлагыг нэвтрүүлнэ.
- C1 тэмүүлэл – Дүүргийнхээ ЕБС-ийн англи хэлний багш нарыг дэмжиж С1 түвшинд хүргэх вакумжуулсан сургалтад хамруулна.
- Хэл-Ирээдүй – ЕБС-ийн төгсөх ангийн сурагчдыг гадаад хэлээр ЭЕШ-даа 800 оноо авахад нь бэлтгэнэ.
- Гэр бүл+багш=Хамтын хөгжил – Анхаарал тавих шаардлагатай буюу архины хамааралтай өрхүүдийг сонгон авч цогц хөтөлбөр хэрэгжүүлнэ.
- Роботын боловсрол STEAM – ЕБС-иуд болон цэцэрлэгүүдэд роботын анхан шатны бэлдэц дээр ажиллаж, бүтээлч сэтгэлгээ хөгжүүлэх төслийг хэрэгжүүлнэ.
- Бэлэн бай – Улаанзагалмайн нийгэмлэгтэй хамтран өрхийн түвшинд гамшгийн эрсдэлийн үеийн төлөвлөгөө, бэлэн байдлыг хангуулах хөтөлбөрийг айл өрхүүдэд хэрэгжүүлнэ.
- Бүтээлч орон зай – Хог хаягдлын дахин боловсруулж, бүтээлч сэтгэлгээг хөгжүүлэх төслийг ЕБС-иудад хэрэгжүүлнэ.
Сэтгэгдэл (0)
Сэтгэгдэл бичигдээгүй байна