Бусдад Туслахуй Анагаах Ухааны Манба Дацан хийдээс жил бүр уламжлал болгон зохион байгуулдаг "Мөргөлийн эгшиг" шашин соёлын цэнгүүн XVII жарны “Сүрээр дарагч” хэмээгч Гал морин жилийн, Хаврын тэргүүн цагаан бар сарын шинийн 8-ны билэгт сайн өдөр буюу өнөөдөр /2026.02.24/ болно..
Бусдад Туслахуй Анагаах Ухааны Манба Дацан хийдийн Тэргүүн Хамба лам, Билгүүн номч Д.Нацагдорж Манла бурхандаа сэтгэлийн өргөл өргөж “Мөргөлийн эгшиг” хэмээх шүлгийг бичсэн бөгөөд энэхүү шүлэгт Монгол Улсын Хөдөлмөрийн баатар, Төрийн шагналт Л.Лувсаншарав гуай ая хийж, дуу төрсөн түүхтэй.
Улмаар “Мөргөлийн эгшиг” дууг 1999 оны шарагчин туулай жилийн хаврын тэргүүн сарын шинийн 8-ны их дүйчэн өдрөөр анх удаа Манба Дацан хийдэд Монгол Улсын Морин хуурын чуулгыг урин залж эгшиглүүлсэнээс хойш “Мөргөлийн эгшиг” хүндэтгэлийн тоглолтыг жил бүрийн Хаврын тэргүүн сарын шинийн найманд уламжлал болгон зохион байгуулсаар ирсэн юм.
Мөн энэ өдөр Манба Дацан хийдийн лам хуврагууд Манла бурхандаа тахил өргөн, Их Манла хурж, ард олноо даатгадаг уламжлалтай.
Сэтгэгдэл (0)
Сэтгэгдэл бичигдээгүй байна