Төрийн албан хаагч тэтгэвэрт гарахад олгодог 36 сарын цалингийн тэтгэмж нь Үндсэн хууль зөрчөөгүй гэх дүгнэлтийг Цэц гаргажээ. Энэ талаар УИХ-ын гишүүн С.Эрдэнэбат өөрийн цахим хаягтаа бичсэн байна.
С.Эрдэнэбат "Чухал асуудал нэг мөр шийдвэрлэгдлээ...
Өнөөдөр Монгол Улсын үндсэн хуулийн цэцийн хурлаар Төрийн албан хаагчид тогтвор суурьшилтай ажилласны төлөө, тэтгэвэрт гарахад олгодог 36 сар хүртэлх үндсэн цалингийн тэтгэмж олгох Төрийн албаны тухай хуулийн 60.1 дэх заалт нь Үндсэн хууль зөрчөөгүй гэж шийдвэрлэлээ.
Уг маргаанд УИХ-аа төлөөлөн УИХ-ын гишүүн Б.Баярбаатарын хамт итгэмжлэгдсэн төлөөлөгчөөр томилогдон баримт, судалгаа, тайлбар мэдээлэл бэлтгэн ажиллаж, цэцийн дунд суудлын хуралд биeчлэн оролцож ажиллалаа.
Уг асуудал өмнө нь олон удаа яригдаж байсан бөгөөд ийнхүү хууль эрхзүйн хувьд эцэслэн шийдвэрлэгдэж байна.
Харин олон жил ажилласан ч тэтгэвэртээ гарч чадаагүй тэтгэмж авч чадахгүй тодорхой хүндэтгэх, харгалзан үзэх шалтгаантай төрийн албан хаагчдад ажилласан жилээс хамааруулан итгэлцүүр аргачлалаар олгох зохицуулалтыг холбогдох хууль журмыг боловсронгуй болгох нь зүйтэй гэдгийг онцлон Цэц тэмдэглэсэн.
Дээрх олон мянган хүний эрх ашгийг хөндсөн үр дагавар өндөртэй асуудлыг хамгаалж шийдвэрлэхэд хамтран ажилласан УИХ гишүүн Б.Баярбаатар, УИХ ын тамгын газрын хуульчид, Ахлах зөвлөх Г.Агар-Эрдэнэ нарт тусгайлан талархал илэрхийлж байна." гэжээ.
Сэтгэгдэл (0)
Сэтгэгдэл бичигдээгүй байна