"Хүний эрхийн Үндэсний Комиссоос “Хүүхэд бүр ялагч-Хүүхэд бүр хамгаалагч” хүүхдийн марафоныг хоёр дахь удаагаа Үндэсний цэцэрлэгт хүрээлэнгийн “Цагдаа” талбайд 2025 оны тавдугаар сарын 31-ний өдөр зохион байгуулна.
Уг арга хэмжээ нь үе тэнгийн дээрэлхэлт, ялгаварлан гадуурхалтыг таслан зогсоох, түүний хор уршиг, сөрөг үр дагаврыг сурталчлан таниулах, хүүхдийн эрхийн зөрчлөөс урьдчилан сэргийлэх, зөв хандлага, соёлыг дэлгэрүүлэх зорилготой.
Арга хэмжээнд хүрэлцэн ирсэн хүүхэд бүр
• Барианд орж буй түүхэн мөчөө мэргэжлийн гэрэл зурагчны дуранд мөнхөлж
• Мэргэжлийн нүүр хувиргагчаар нүүрээ будуулан
• Үлгэр, киноны баатруудтай гэрэл зураг авхуулж
• Өөрийн хүсэл, мөрөөдлөө “Хүслийн хайрцаг”-т шивнэн
• Авьяаслаг хүүхдүүдийн урлагийн тоглолт, хүний эрхийн интерактив контент үзэж сонирхохоос гадна
• The Open Mic арга хэмжээнд оролцох боломжтой.
Гүйлтийн арга хэмжээ нь 6-17 насны ангиллаар зохион байгуулагдах бөгөөд цахим бүртгэл 2025 оны тавдугаар сарын 28-ны өдрийг хүртэл үргэлжилнэ.
Бүртгүүлэх линк: https://forms.gle/dhipjgVNWcu4VU2j9
Сэтгэгдэл (0)
Сэтгэгдэл бичигдээгүй байна