Монгол Улсын Хөдөлмөрийн баатар, Ардын уран зохиолч Дэндэвийн Пүрэвдоржийн “Тусгаар тогтнол” шүлгийг 3333 сурагч Сүхбаатарын талбайд өнөөдөр /2025.04.04./ уншиж, олны сонорыг мялаалаа.
Анх 2016 онд Нийслэлийн Ерөнхий боловсролын "Оюуны ундраа" сургууль санаачлан зохион байгуулж тус сургуулийн 3333 сурагч Сүхбаатарын талбай дээр уншиж, олноо хүргэсэн бөгөөд үүнээс хойш жил бүр уламжлал болон зохион байгуулагдаж байгаа юм.
Нээлтийн үеэр НИТХ-ын дарга А.Баяр "Аль ч улс орны хамгийн гол зүйл бол эх оронч үзэлтэй иргэдтэй байх. Эх оронч үзэлтэй монголчууд гэж хэлэхээс илүүтэйгээр зүрх сэтгэлээсээ эх орноо хөгжүүлнэ гэсэн үзэлтэй бодолтой, итгэл үнэмшилтэй ирээдүйн иргэдийг бид төлөвшүүлэх чухал. Энэ үүднээс "Тусгаар тогтнол" шүлгийг улсынхаа төв талбайд унших арга хэмжээг дэмжиж ажилласан. Цаашдаа ч эх оронч үзэлтэй хүүхэд, залуусынхаа санаачилсан ажлыг дэмжиж ажиллах болно" хэмээн онцоллоо.
Сэтгэгдэл (0)
Сэтгэгдэл бичигдээгүй байна