Нийслэлийн Засаг дарга Х.Нямбаатар нийтийн тээвэрт гүйцэтгэлийн үр дүнд суурилсан тогтолцоог нэвтрүүлж, инженер, техникийн ажилчдын цалинг нэмэгдүүлж, жолооч нарын цалинтай адил жигдрүүлэхийг шуурхай хуралдааны үеэр үүрэг болгожээ.
Мөн жолооч автобусны эцсийн буудалд удаан зогсохгүй хийдэлгүй ажиллах, жолооч хувьдаа бэлэн мөнгө авдаг байдлыг таслан зогсоох, автобусны камерын системийг гүйцэд ашиглах зэрэг асуудлыг шийдвэрлэхийг даалгасан байна.
Сар шинийн өдрүүдэд буюу гуравдугаар сарын 1-4-ний өдрүүдэд өдөрт 949 автобус үйлчилгээнд явж, нийт 492.794 зорчигч тээвэрлэжээ. Үүнээс бэлэн мөнгөөр өдөрт дунджаар 15 мянган зорчигч зорчдог талаар нийслэлийн Удирдах ажилтнуудын шуурхай зөвлөгөөний үеэр танилцуулсан аж.
Сэтгэгдэл (0)
Сэтгэгдэл бичигдээгүй байна