АВТОМАШИНГҮЙ ӨДРӨӨР ЗАРИМ ГУДАМЖ, ЗАМЫГ ХААЖ, ЗАХ ХУДАЛДААНЫ ТӨВҮҮД АЖИЛЛАХГҮЙ

“Автомашингүй өдөр-2025” арга хэмжээг “Эрсдэлгүй-эрүүл орчныг хамтдаа” уриан дор 9 дүгээр сарын 13-ны өдөр зохион байгуулна. 

Тус өдрөөр соёл, урлагийн тоглолт, спортын арга хэмжээ зохион байгуулахаас гадна Нийслэлийн эрүүл мэндийн газрын харьяа байгууллагууд, хувийн хэвшлийн эрүүл мэндийн байгууллагууд амны хөндийн эрүүл мэндийн үзлэг, чихрийн шижингийн илрүүлэг, цусны даралт ихсэх өвчний зөвлөгөө, сүрьеэгийн илрүүлэг, дасгал хөдөлгөөний зөвлөгөө, эрүүл хооллолтын зөвлөмж мэдээлэл өгнө. 

Мөн өдөр 7:00-18:00 цагийн хооронд дараах байршлуудад замын хөдөлгөөнийг хязгаарлах бөгөөд зах худалдааны төвүүд ажиллахгүй.

“Автомашингүй өдөр”-өөр дараах гудамж, замуудыг хаана. Тодруулбал,

• Жанжин Д.Сүхбаатарын талбай (Д.Сүхбаатарын гудамж, Их сургуулийн гудамж) 
• Сөүлийн гудамж,
• Чоймболын гудамж,
• Бөмбөгөр худалдааны төвийн уулзвар,
• Жуулчны гудамж, Баруун сэлбийн гудамж,
• Төмөрчний гудамж, Гэсэр сүмийн уулзвар,
• Самбуугийн гудамж,
• Анкарагийн гудамж,
• Бага тойруу,
• Бээжингийн гудамж,
• Залуучуудын гудамж,
• Сансарын туслах замаар Энхтайваны өргөн чөлөөний Зүүн дөрвөн замын уулзвараас Баруун дөрвөн замын уулзвар,
• Чагдаржавын гудамж,
• С.Зоригийн гудамж,
• Элчингийн гудамж,
• Олимпийн гудамж,
• Гэндэнгийн гудамж,
• Д.Чойдогийн гудамж,
• С.Жамъяан гүний гудамж,
• Чингисийн өргөн чөлөөний Монголын хүүхдийн ордны уулзвараас Монгол шуудангийн уулзвар болон дотогш замуудыг хаана.