Эрүүл мэндийн яамны дэргэдэх Хүний эмийн зөвлөл өнөөдөр /2024.10.25/өдөр хуралдаж, Монгол Улсын эмийн бүртгэлд бүртгэгдсэн эмийн олгох нөхцөлийн зөрүүтэй байдалд хийсэн үнэлгээний дүн болон уналт таталтын эмийн нөөцийн өнөөгийн байдлын талаар асуудлыг хэлэлцжээ.
Эмийн бүртгэлийн цахим “Лайсмед” програмд орсон 172 эмийн олгох нөхцөлийн мэдээлэл, улсын бүртгэлийн дугаар, үйлдвэрлэгчээс ирүүлсэн хэрэглэх заавар дахь олгох нөхцөлийн мэдээллийн зөрүүтэй байдлын талаар нийт 61 байгууллагаас тодруулгыг авч, хийсэн дүн шинжилгээг Эм, эмнэлгийн хэрэгслийн хяналт, зохицуулалтын газраас танилцуулсан байна.
Хүний эмийн зөвлөл ирэх долоо хоногт дахин хуралдаж, эмийн олгох нөхцөлийн талаар засварыг оруулах асуудлыг эцэслэн шийдвэрлэхээр болжээ.
Сэтгэгдэл (0)
Сэтгэгдэл бичигдээгүй байна