НҮБ-ын конвенцын Талуудын Бага хурал нь энэхүү Конвенцийн дээд байгууллага юм. Хурал нь өөрийн эрх мэдлийн хүрээнд түүнийг үр дүнтэй хэрэгжүүлэхэд чиглэсэн шийдвэрүүдийг гаргадаг. Тухайлбал:
- Конвенцийн биелэлт болон, үндэсний, дэд бүсийн болон бүс нутгийн, олон улсын түвшинд удирдлага зохион байгуулалтын үйл ажиллагааны талаарх тоймыг тогтмол хянаж хэлэлцэнэ.
- Талуудын авч хэрэгжүүлсэн арга хэмжээний талаарх мэдээллийг солилцох явдлыг дэмжиж, туслалцаа үзүүлнэ.
- Мэдээлэл өгөх хэлбэр, хуваарийг тодорхойлох бөгөөд илтгэлүүдийг хянан үзэж, зөвлөмж гаргана.
- Конвенцийг хэрэгжүүлэхэд шаардлагатай гэж үзсэн туслах байгууллагуудыг байгуулна. Туслах байгууллагуудын илтгэлүүдийг хэлэлцэж, тэдгээрийн үйл ажиллагааг удирдаж, санхүүгийн дүрмийг зөвшилцөх журмаар гаргана.
- Конвенцид нэмэлт өөрчлөлт оруулна.
- Өөрийнхөө болон туслах байгууллагуудынхаа үйл ажиллагааны хөтөлбөр, төсвийг батална. Тэдгээрийг санхүүжүүлэхэд шаардлагатай зохион байгуулалтын арга хэмжээ авна.
- Шаардлагатай тохиолдолд үндэсний болон олон улсын, Засгийн газар хоорондын, төрийн бус эрх бүхий байгууллага буюу албадаас үзүүлсэн тусламж, өгсөн мэдээллийг ашиглаж тэдэнтэй хамтран ажиллана.
- Бусад холбогдох Конвенцуудтай үйл ажиллагаагаа давхцуулахгүйгээр уялдаа холбоогоо бэхжүүлэх, мөн дэмжинэ.
- Түүнчлэн Конвенцын зорилтыг хэрэгжүүлэхэд шаардлагатай байж болох бусад үүргийг гүйцэтгэдэг юм.
#UNCCDCOP17 #COP17Mongolia #КОП17 
Сэтгэгдэл (0)
Сэтгэгдэл бичигдээгүй байна