ЕСДҮГЭЭР САРЫН 3-НААС БАРУУН АЙМГУУДЫН НУТГААР, ЦААШДАА ИХЭНХ НУТГААР СЭРҮҮСНЭ

Ойрын арав хоногт цаг агаар ямар байх талаар Цаг уур, орчны шинжилгээний газраас гаргасан мэдээллийг танилцуулж байна. 

2025 оны 9 дүгээр сарын 1-нээс 9 дүгээр сарын 11-нийг хүртэлх 10 хоногийн цаг агаарын урьдчилсан төлөв:

Ихэнх нутгаар бороо орж сэрүүснэ. Алтай, Хангай, Хөвсгөлийн уулархаг нутгуудаар нойтон цас орж, говь талын аймгуудын нутгаар салхи ихтэй байна. 

Хур тунадас: 9 дүгээр сарын 1-нд баруун аймгуудын нутгийн зүүн, төвийн аймгуудын нутгийн баруун хэсгээр, 2-нд баруун аймгуудын нутгийн баруун, төв болон говийн аймгуудын нутгийн зүүн, зүүн аймгуудын нутгийн ихэнх хэсгээр, 3-нд баруун аймгуудын нутгийн баруун болон хойд хэсэг, төвийн аймгуудын нутгийн баруун, зүүн аймгуудын нутгийн зүүн хэсгээр, 4-нд баруун аймгуудын нутгийн хойд болон зүүн хэсэг, төвийн аймгуудын ихэнх нутаг, говийн аймгуудын нутгийн зарим газраар, 5-нд баруун болон төвийн аймгуудын нутгийн зарим газар, зүүн аймгуудын нутгийн ихэнх хэсгээр, 6-нд төв болон говийн аймгуудын нутгийн зарим газраар, 7-нд төвийн аймгуудын нутгийн хойд хэсгээр, 9-нд Алтай, Хангайн уулсаар, 10-нд Алтай, Хангай, Хөвсгөл, Хэнтийн уулс, Орхон, Сэлэнгийн саваар бороо, уулаараа нойтон цас орно.

Салхи: Ихэнх хугацаанд ихэнх нутгаар секундэд 6-11 метр, борооны өмнө салхи түр зуур ширүүснэ.

Агаарын температур: Хугацааны эхээр нийт нутгаар дулаан байна. 3-нд баруун аймгуудын нутгийн баруун хэсгээр, цаашдаа ихэнх нутгаар сэрүүсэж Алтай, Хангай, Хөвсгөл, Хэнтийн уулархаг нутаг, Завхан, Заг Байдрагийн голуудын эх, Идэр, Тэс, Тэрэлж голын саваар шөнөдөө -1...-6 градус хүйтэн, өдөртөө +5...+10 градус, говийн бүс нутгийн өмнөд хэсгээр шөнөдөө +13...+18 градус, өдөртөө +22...+27 градус, говийн аймгуудын нутгийн хойд хэсэг, Дорнод, Дарьгангын тал нутгаар шөнөдөө +6...+11 градус, өдөртөө +17...+22 градус, бусад нутгаар шөнөдөө 0...+5 градус, өдөртөө +11...+16 градус дулаан байна.

Улаанбаатар хот орчмын 10 хоногийн цаг агаарын урьдчилсан төлөв

Хур тунадас: 2, 4-нд бороо, 5-нд бага зэргийн бороо орно.

Салхи: Ихэнх хугацаанд секундэд 6-11 метр.

Агаарын температур: 02-04-нд шөнөдөө +8...+13 градус, өдөртөө +18...+23 градус дулаан байна. 5-7-нд сэрүүсэж шөнөдөө Яармаг, Сонгины орчмоор -1...+4 градус, бусад хэсгээр +3...+8 градус, өдөртөө +10...+15 градус дулаан байна. 8, 9, 10-нд бага зэрэг дулаарна.