NBA-гийн плей-оффт одоогийн аварга “Денвер”-тэй оноолт таарсан “Лейкерс”-ийн од Леброн Жэймс яаж тоглох хэрэгтэй тухай ингэж ярьжээ.
“Тэд бол аваргууд. Юу хийхээ ч сайн мэдэж байгаа. Яаж хожихоо ч мэддэг. “Наггетс” сүүлийн жилүүдэд талбайдаа илт давамгай тоглож байгаа. Мөн багт нь MVP бий. Хамтдаа тоглоод ч удсан. Энэ багийн тоглогчид өндөр зэрэглэлийнх, мөн IQ сатай. Дасгалжуулагч нь ч их сайн.
Бидний хувьд алдаа бага гаргаж, бөмбөгөө цөөн алдах ёстой. Тэдний амьдралыг амаргүй болгох хэрэгтэй. Тэд ч гэсэн биднийг амаргүй байдалд оруулахыг хичээх болно. Тэгээд хэн нь гүйцэтгэл илүү сайтай байхыг харах л хэрэг дээ” хэмээн Леброн Жэймс өгүүлсэн байна.
Сэтгэгдэл (0)
Сэтгэгдэл бичигдээгүй байна