ТӨРИЙН ӨНДӨРЛӨГҮҮД ЕСДҮГЭЭР САРЫН 1-НД СУРГУУЛИУДАД ОЧИХГҮЙ

Боловсролын сайд П.Наранбаяр мэдээлэл хийх үеэрээ энэ 9 дүгээр сарын 1-нд Ерөнхийлөгч, УИХ-ын дарга, Ерөнхий сайд, бусад албан тушаалтнууд аль нэг сургуулийн нээлтэд очихгүй гэж мэдэгдэв. 

Сүүлийн таван жилийн байдлаар жилд 2,700-3,900 багшийн сул орон тоо үүсдэг бөгөөд үүнийг нэгдүгээр улиралд 80 хувьтай шийдэж чаддаг гэнэ. 

Боловсролын яамнаас багшийн сул орон тоог шийдэх, богино хугацаанд нөхөх чиглэлээр

• багш бус мэргэжилтэй, их дээд сургуулийг амжилттай төгссөн иргэдэд богино хугацааны сургалтаар багшлах эрх олгох, хөдөлмөрийн гэрээгээр гэрээт байдлаар ажиллуулах боломжийг судалж, журам гаргах
• хичээлийн нэгдүгээр улиралд дадлагажигч багш нарыг цалинтай ажиллуулах
• тэтгэвэр тогтоолгосон багш нарыг үргэлжлүүлэн ажиллуулах
• шинээр төгсөгчдийг ажлын байраар хангах, удирдах ажилтнуудад сургалтын цаг олгох зэргээр цогц арга хэмжээг төлөвлөн хэрэгжүүлж байгаа аж.

Мөн 45-60 хүүхэдтэй 1-2 дугаар ангийн 97 бүлэгт туслах багш ажиллуулах талаар судалж байга гэнэ.