"Бэлтэс Мөрөн" компанийг үүсгэн байгуулагч нэр бүхий 9 иргэнд холбогдох эрүүгийн хэргийн шүүхийн урьдчилсан хэлэлцүүлгийн хуралдаанаас /2024.04.18/ хэргийг шүүхэд шилжүүлэх шийдвэр гаргаж, шүүх хуралдааныг 2024 оны тавдугаар сарын 1-ний өдөр товложээ.
Урьдчилсан хэлэлцүүлгээр прокурорын санал, яллагдагч, хохирогч, тэдгээрийн хууль ёсны төлөөлөгч, өмгөөлөгчийн хүсэлтийг харгалзан яллагдагч нарыг шүүхэд шилжүүлэх шийдвэр гаргасан байна.
“Бэлтэс Мөрөн” ХХК-ийн гүйцэтгэх захирал Г.Нямдэлгэр болон С.Ганбаатар, Р.Бузмаа, Г.Нямдалай, Г.Пүрэвсүрэн, Н.Уяабор, Ч.Очир, Д.Цэнгэнбаяр, Б.Мэндсайхан нарын 9 иргэн бүлэглэн Хөвсгөл аймгийн нутаг дэвсгэрт тэтгэврийн насны болон хөгжлийн бэрхшээлтэй, группт байдаг, амьдралын түвшин доогуур гэх иргэдэд туслах нэрийдлээр “хамтран ажиллах санхүүгийн дэмжлэг үзүүлэх тухай гэрээ” байгуулж, 2595 иргэнээс 46 орчим тэрбум гаруй төгрөгийг залилсан, мөнгө угаасан гэх хэрэгт холбогдсон юм.
Сэтгэгдэл (0)
Сэтгэгдэл бичигдээгүй байна