Хүний эрхийн үндэсний комиссын гишүүн Б.Энхболдоор ахлуулсан ажлын хэсэг Чингэлтэй дүүргийн Онцгой байдлын хэлтэс, гал түймэр унтраах, аврах 10 дугаар ангид хяналт шалгалт хийж байна.
Тус хяналт шалгалтаар Онцгой байдлын байгууллагын алба хаагчдын хөдөлмөрийн аюулгүй ажиллагаа хэрхэн хангагдсан эсэх, хөдөлмөрлөх нөхцөл байдал, нийгмийн баталгаа, хөдөлмөрийн харилцаанд үүсэж буй тулгамдсан асуудлыг шалгах юм.
Комисс 2018, 2021, 2023 онд онцгой байдлын байгууллагын алба хаагчдын хөдөлмөрлөх эрхийн асуудлыг судлаж, хүний эрх, эрх чөлөөний байдлын илтгэлд тусгаж, холбогдох шийдвэр гаргуулахаар УИХ-д өргөн барьсан.
Дээрх хяналт шалгалтын үр дүнг хүний эрхийн зөрчлөөс урьдчилан сэргийлэх зорилгоор Комиссын гишүүний зөвлөмж, хүний эрхийн зөрчлийг таслан зогсоох, арилгах зорилгоор Комиссын гишүүний шаардлагыг эрх бүхий албан тушаалтанд хүргүүлж, хэвлэл мэдээлэл, олон нийтэд нээлттэй мэдээлнэ.
Сэтгэгдэл (0)
Сэтгэгдэл бичигдээгүй байна