Авлигатай тэмцэх газар эрүүгийн 837 хэрэгт мөрдөн байцаалтын ажиллагаа явуулснаас өнгөрсөн долоо хоногт 3 хэргийг шүүхэд шилжүүлэх, 10 хэргийг хаах, 3 хэргийг нэгтгэх, 2 хэргийг харьяаллын дагуу шилжүүлэх саналтай прокурорт хүргүүлжээ.Мөн 15 объектод нэгжлэг хийх мөрдөн шалгах ажиллагаа явуулсан байна.
Шүүхэд шилжүүлсэн хэргүүдийг дурдвал:
- Хан-Уул дүүргийн цагдаагийн газрын Хоёрдугаар хэлтсийн Нийтийн хэв журам хамгаалах тасгийн хэсгийн байцаагч “Ж” нь бусдаас хахууль авсан гэх,
- Дархан-Уул аймгийн Газрын харилцаа, барилга хот байгуулалтын газрын даамал “Г” нь өөртөө давуу байдал бий болгосон гэх,
- Дундговь аймгийн Баянжаргалан сумын Засаг дарга “Ц” нь бусдад давуу байдал бий болгож орон нутгийн төсөвт хохирол учруулсан гэх зэрэг эрүүгийн хэргүүдийн мөрдөн шалгах ажиллагааг дуусгаж, шүүхэд шилжүүлэх саналтай прокурорт хүргүүлжээ.
Сэтгэгдэл (0)
Сэтгэгдэл бичигдээгүй байна