Швейцарын Холбооны Улсын Женев хотноо энэ сарын 3-14-ний өдрүүдэд болж буй НҮБ-ын Хүний эрхийн зөвлөлийн Хүний эрхийн төлөв байдлын нэгдсэн хэлэлцүүлгийн 50 дугаар хуралдаанд Гадаад харилцааны яамны Төрийн нарийн бичгийн дарга Л.Мөнхтүшигээр ахлуулсан Засгийн газрын төлөөлөгчдийн баг Монгол Улсын хүний эрхийн төлөв байдлын дөрөвдүгээр тайланг энэ сарын 4-ний өдөр хэлэлцүүллээ.
Төлөөлөгчдийн бүрэлдэхүүнд Шүүхийн ерөнхий зөвлөл, Улсын Ерөнхий прокурорын газар, Хууль зүй, дотоод хэргийн яам, Гадаад харилцааны яам, Гэр, бүл, хөдөлмөр, нийгмийн хамгааллын яам, Эрүүл мэндийн яам, Соёл, спорт, аялал жуулчлал, залуучуудын яам, Боловсролын яам, Байгаль орчин, уур амьсгалын өөрчлөлтийн яам, Монгол Улсад Гэмт хэргээс урьдчилан сэргийлэх ажлыг зохицуулах зөвлөлийн Ажлын алба, Шүүхийн шийдвэр гүйцэтгэх ерөнхий газрын төлөөлөл багтсан.
Хуралдааны үеэр Ажлын албаны дарга Л.Нямгэрэл НҮБ-ын Хүний эрхийн зөвлөлийн гишүүн улсуудаас тавьсан ЛГБТКИ+ хүмүүсийг ялгаварлан гадуурхалтаас хамгаалах, гэр бүлийн хүчирхийлэл, хүн худалдаалахтай тэмцэх, урьдчилан сэргийлэх чиглэлээр Монгол Улсын Засгийн газраас авч хэрэгжүүлж буй ажил, арга хэмжээний талаар мэдээлэл өглөө.
Сэтгэгдэл (0)
Сэтгэгдэл бичигдээгүй байна