Хаврын улиралд хуурайшилт ихсэх болон иргэдийн санамсар болгоомжгүй үйлдлээс шалтгаалан гал түймэртэй холбоотой дуудлага, мэдээлэл нэмэгджээ.
Цагдаагийн байгууллагад өнгөрсөн долоо хоногт нийслэлийн Баянзүрх дүүргийн нутаг дэвсгэрт “Шар хоолойн ам”, Сонгинохайрхан дүүргийн нутаг дэвсгэрт иргэд шар өвс шатаахдаа гал алдсанаас 15 га газар шатсан, мөн айлын гэр шатаж хохирол учруулсан гэх хэрэгт шалгалтын ажиллагаа хийж байна.
Хувь хүний санамсар болгоомжгүйгээс үүдэн гал түймэр гарах эрсдэл их байдаг тул ихэнх нутгаар хуурайшилт өндөр, салхи, шуургатай өдрүүдэд иргэн бүр ой, хээрийн болон ахуйн гал түймрийн аюулаас урьдчилан сэргийлж хариуцлагатай байхыг цагдаагийн байгууллагаас анхааруулжээ.
Сэтгэгдэл (0)
Сэтгэгдэл бичигдээгүй байна