Авлигатай тэмцэх газрын Хяналт шалгалт, дүн шинжилгээний хэлтэс нь 2025 оны 2 дугаар сарын 3-7-ны өдрүүдэд нийтийн албанд томилогдохоор нэр дэвшсэн 1000 иргэний хувийн ашиг сонирхлын урьдчилсан мэдүүлгийг шалган, 518 мэдүүлгийг хянан шийдвэрлэжээ.
Одоогоор ажиллагаанд 482 нэр дэвшигчийн урьдчилсан мэдүүлэг хянаж байгаа аж. Тухайн албан тушаалыг хашихад илт ашиг сонирхлын зөрчил үүсгэж болзошгүй нь тогтоогдсон 6 иргэний талаар томилох эрх бүхий албан тушаалтанд албан бичиг хүргүүлсэн байна.
Өнгөрсөн долоо хоногт иргэн, аж ахуйн нэгж, байгууллагаас ирүүлсэн нийтийн албан тушаалтны авлига, ашиг сонирхлын зөрчилтэй холбоотой 60 гомдол, мэдээллийг хүлээн авч шалгаснаас 20 гомдол, мэдээллийг хянан шийдвэрлэжээ.
Өргөдөл, гомдол, мэдээллийн хяналт шалгалтын дагуу Дорнод аймгийн Засаг даргад хуулийн хэрэгжилтийг хангуулах тухай албан бичиг хүргүүлсний зэрэгцээ гэмт хэргийн шинжтэй 2 өргөдөл, гомдлыг Мөрдөн шалгах хэлтэст шилжүүлэн шалгуулсэн байна.
Төлөвлөгөөт хяналт шалгалтын хүрээнд 3 албан тушаалтны хувийн ашиг сонирхлын болон хөрөнгө, орлогын мэдүүлгийг хянан шалгажээ.
Сэтгэгдэл (0)
Сэтгэгдэл бичигдээгүй байна