Авлигатай тэмцэх газрын “Олон нийтийн төв”-д Нийслэлийн гэмт хэргээс урьдчилан сэргийлэх ажлыг зохицуулах салбар зөвлөлийн ээлжит нэгдүгээр хуралдаан 2025 оны 1 дүгээр сарын 31-ний өдөр болжээ.
Хуралдаанд Авлигатай тэмцэх газар, Цагдаагийн ерөнхий газар, Эрүүгийн цагдаагийн алба, Мөрдөн байцаах алба, Тээврийн цагдаагийн алба, Монголын сурагчдын холбоо, Монголын оюутны холбоо зэрэг 33 байгууллагын төлөөлөгч оролцож, салбар зөвлөлийн 2024 оны үйл ажиллагааны төлөвлөгөөний биелэлтийг танилцуулж, салбар зөвлөлийн гишүүн байгууллага тус бүр 2025 онд санаачлан хэрэгжүүлэхээр зорьж буй гэмт хэргээс урьдчилан сэргийлэх ажлын төлөвлөгөөгөө танилцуулж батлуулсан байна. Хуралдааны үеэр Нийслэлийн ИТХ-ын дарга бөгөөд Гэмт хэргээс урьдчилан сэргийлэх ажлыг зохицуулах салбар зөвлөлийн дарга А.Баяр 2025 оныг нийслэлд “Авлигатай тэмцэх жил” болгон зарлаж буйг мэдэгджээ.
Сэтгэгдэл (0)
Сэтгэгдэл бичигдээгүй байна