"Нүүрсний" гэх хэрэгт мөрдөн шалгах ажиллагаа явуулах хамтарсан ажлын хэсгийн бүрэлдэхүүнд 21 мөрдөгч ажиллаж, 100 хэрэгт мөрдөн шалгах ажиллагаа явуулснаас одоогийн байдлаар 16 хэргийн мөрдөн шалгах ажиллагааг дуусган шүүхэд шилжүүлэх саналтай, 14 хэргийг нэгтгэх, 21 хэргийг хаах, 1 хэргийг харьяаллын дагуу шилжүүлэх саналтайгаар прокурорын хяналтад шилжүүлсэн байна.
Ажлын хэсгээс шүүхэд шилжүүлэх саналтай шилжүүлсэн 16 хэргээс 86 холбогдогчтой 11 хэрэг анхан шатны шүүх шийдвэрлэж, одоо хэрэг бүртгэлтийн 36, мөрдөн байцаалтын 12, нийт 48 хэрэгт мөрдөн шалгах ажиллагаа явуулж байгаа аж.
Боловсролын зээлийн сангаас төрийн өндөр албан тушаалтнуудын хамаарал бүхий этгээдүүд хууль бус тэтгэлэг авч, эргэн төлөөгүй, мөн тэтгэлгийн мөнгийг хувийн дансаар авч завшсан, мөнгө угаасан байж болзошгүй гэх хэрэгт хамтарсан ажлын хэсэг мөрдөн шалгах ажиллагааг үргэлжлүүлж байна.
Сэтгэгдэл (0)
Сэтгэгдэл бичигдээгүй байна