Санхүүгийн зохицуулах хорооны Хяналтын зөвлөлийн гишүүдэд Улсын Их Хурлын Эдийн засгийн болон Хууль зүйн Байнгын хороо тус бүр хоёр хүний нэр дэвшүүлж, сонгон шалгаруулсны үндсэн дээр Улсын Их Хурлаас томилохоор хуульд заасан. Хууль зүйн байнгын хорооноос уг албан тушаалд тавих шаардлага хангасан иргэнийг нэрээ дэвшүүлэхийг урьжээ.
Хяналтын зөвлөлийн гишүүнд тавих шаардлага хангасан иргэд холбогдох баримт бичгийг бүрдүүлж, 2024 оны 12 дугаар сарын 25-ны өдрийн 17:30 цаг хүртэл хугацаанд ажлын цагаар биечлэн, эсвэл шуудангийн илгээмжээр, түүнчлэн цахим шуудангаар материалаа /PDF болон Word форматаар тус тус/ ирүүлэх боломжтой аж.
Нэр дэвшихийг сонирхсон хүн Санхүүгийн зохицуулах хорооны хяналтын зөвлөлийн дарга, гишүүнд нэр дэвших тухай хүсэлтийг бөглөж, холбогдох материалын хамт ирүүлэх шаардлагатай юм байна.
Лавлах утасны дугаар (ажлын цагаар): 51-267155
Баримт бичиг цаасаар хүлээн авах хаяг: Төрийн ордон, Хууль зүйн байнгын хороо, 426 тоот
Баримт бичиг файлаар хүлээн авах цахим шуудангийн хаяг: Galsanbatb@parliament.mn
Сэтгэгдэл (0)
Сэтгэгдэл бичигдээгүй байна