БНХАУ-д суралцаж буй оюутнууд цахим гэмт хэргийн хохирогч, холбогдогч болж буйг цагдаагийн байгууллагаас анхаарууллаа.
Тухайлбал БНХАУ-д Засгийн газрын тэтгэлгээр суралцдаг оюутнууд үл таних Хятад иргэдээс их хэмжээний мөнгөн гүйлгээг өөрийн дансандаа авч, Монгол Улсын нэр бүхий иргэд рүү шилжүүлснээс үүдэн тус улсын хууль хяналтын байгууллагаас эрүүгийн хэрэгт холбогдон шалгагдаж, дансаа царцаах, хаалгах, цаашлаад цахим гэмт хэргийн хохирогч болох тохиолдол сүүлийн үед нэмэгдсээр байгаа тухай Монгол улсаас БНХАУ-д суугаа элчин сайдын яамнаас мэдээлж байна.
Үүнтэй холбогдуулан БНХАУ-д суралцаж буй оюутан сурагчид болон иргэд, аж ахуйн нэгжүүд нь улс хоорондын мөнгөн гүйлгээ хийхдээ анхаарал болгоомжтой хандаж, өөрийгөө болон бусдыг цахим гэмт хэргийн хохирогч, холбогдогч болохоос сэргийлэхийг цагдаагийн байгууллагаас анхааруулж байна.
Сэтгэгдэл (0)
Сэтгэгдэл бичигдээгүй байна