NBA-д 22 улирал тоглосон Винс Картер олон жилийн турш залуустай өрсөлдөн тоглоход өөрийгөө хэрхэн ирлэж, эрмэлзлэл хүслээ хадгалж байсан тухайгаа ярьжээ.
“Лигт олон жил тоглохыг үнэхээр хүсч байвал бүхнийг хийхэд бэлэн байх ёстой. Ахмад тоглогч ялангуяа 10-12 дэглэм барих болдог. Миний хувьд тэрхүү тогтоосон дэглэм журмаа үргэлж дагахыг хичээсэн юм.
42,43 хүрсэн хойноо ч гэсэн дэглэмээ барих гэж үзнэ. Хэцүү л дээ. Эхлээд 12 дэглэм журам өөртөө тогтоосон юм. Дараа нь тэр маань 10 болсон. Бүр ядраад байхаар нь 8 болгож цөөлсөн. Тэгээд ерөнхийдөө цаашдаа өөрийгөө хуурсан маягтай болоод ирэхээр тоглолт унаж, бэртэл авчихаж байгаа юм.
Би бэлтгэлд бүхнээс эрт очоод, хамгийн сүүлд тарахыг хичээдэг байлаа. Дэглэмээ барьсан чигээрээ шүү дээ. Биеэ бага зэрэг халаачихаад л шууд талбайд гарахад бэлэн байх ёстой гэж өөрийгөө бэлдэнэ. Олон улирал тоглохын тулд юу л бол юу хийхээс буцахгүй байсан. Энэ л гол нууц нь юм.
Сайн хоол хүнс хэрэглэж, зарим зүйлээ золих хэрэгтэй. Оройтож, наргиж цэнгэхгүй шүү. Харин ч бүр эсрэгээрээ эрүүл зөв нойр сайн авахыг эрмэлзэнэ. Тэгж байж л залуустай өрсөлдөх эрч хүчээ олж авна. Гэхдээ би өөрөө тоглохыг маш их хүсдэг, зорилго тавьчихсан байсан болохоор төвөгтэй санагдаагүй. Залуудаа би өөрийгөө лигт 20 гаруй улирал тоглоно чинээ төсөөлөө ч үгүй” хэмээн Винс Картер өгүүлжээ.
Сэтгэгдэл (0)
Сэтгэгдэл бичигдээгүй байна