Ардчилсан намаас цаг үеийн асуудлаар өнөөдөр /2024.05.27/ мэдээлэл хийлээ.
"Тус намаас 240 гаруй хүн УИХ-ын сонгуульд нэр дэвших санал өгснөөс 126 хүнийг дэвшүүлсний 102 нь шинэ хүмүүс байгаа. Ардчилсан нам сонгуульд оролцоно. Намын шийдвэр, явуулсан нэрс нэг байгаа" гэж намын дарга Л.Гантөмөр мэдэгдэв.
УИХ-ын гишүүн Б.Пүрэвдорж орон нутгаар 200 гаруй уулзалт хийхэд иргэд нэр сэвтсэн хүмүүсийг жагсаалтад болон тойрогт нэр дэвшүүлэхгүй байх асуудлыг нэр дурдаж хэлж байсан. Энд хамгийн их нэрлэж байсан хүн нь С.Баярцогт байсан. Жагсаалтаас С.Баярцогтын нэрийг өөрчлөх саналыг би гаргаж, ҮБХ-ны гишүүдийн бараг 100 хувьтайгаар дэмжигдсэн гэж ярив.
Мөн АН-ын ҮБХ-ны гишүүн, Говь-Алтай аймгийн Засаг дарга О.Амгаланбаатар “Нэр дэвшигчдийг сонгон шалгаруулах хороог долоон хүний бүрэлдэхүүнтэй байгуулсан. Тэр дунд С.Баярцогт орж ирээд өөрийнхөө нэрийг жагсаалтын есдүгээрт бичээд, Үндэсний бодлогын хороо руу явуулсан. Ингээд зааланд байсан ҮБХ-ны 500 орчим гишүүн С.Баярцогт, Б.Хурц тэргүүтнүүдийг нэр дэвшүүлэхгүй гэж эсэргүүцлээ илэрхийлсэн. Тиймээс ч С.Баярцогт, Б.Хурц нарын ҮБХ-ноос нэр дэвшүүлээгүй.” гэлээ.
Сэтгэгдэл (0)
Сэтгэгдэл бичигдээгүй байна