Эмийн үнийн өсөлтийн шалтгаан, нөхцөлийг хянан шалгах түр хороо өнөөдөр хуралдаж, нээлттэй сонсгол зохион байгуулах өдрийг товлолоо.
Түр хорооны нотлох баримтыг шинжлэн судлах сонсголыг “Эмийн хүртээмж, үнэ, чанарын асуудал” сэдвийн хүрээнд 2024 оны 4 дүгээр сарын 15-наас 17-ны өдрүүдэд зохион байгуулна.
Түр хорооны дарга УИХ-ын гишүүн Ж.Чинбүрэн мэдээлснээр нийт 11 хянан шалгагч, шинжээч хяналт шалгалтыг холбогдох төрийн байгууллага, ААН-ээс мэдээлэл цуглуулж, 1164 төрийн байгууллага, албан тушаалтнаас 153200 хуудас бүхий цаасан нотлох баримт, 84692 файл бүхий нотлох баримт гаргуулан авч шалгажээ. Мөн 150 орчим хүнтэй уулзалт ярилцлага хийсэн байна.
Нээлттэй сонсголд нийт 150 албан тушаалтныг гэрчээр дуудсаны дотор үе үеийн Эрүүл мэндийн сайд нар, эмнэлгийн удирдлагууд зэрэг хүмүүс багтжээ.
Нээлттэй сонсголоор ханган нийлүүлдэг компаниудын гаалийн болон жижиглэнгийн үнэ цахимд байршсанаар хэдэн төгрөгөөр аваад хэдээр зарж байгаа зэргээс эхлээд эмтэй холбоотой олон зүйл ил болно гэж мэдэгдлээ.
Сэтгэгдэл (0)
Сэтгэгдэл бичигдээгүй байна