“Miss Earth-2025” тэмцээний ялагчаар Чехийн мисс Натали Пушкинова шалгарлаа.
Байгаль орчныг хамгаалах хүсэл тэмүүлэлтэй, усанд шумбагч, 21 настай оюутан бүсгүй Филиппин улсын Манила хотноо зохиогдсон Miss Earth-2025 тэмцээнд ялалт байгуулснаар уур амьсгалын эсрэг үйл ажиллагаа, тогтвортой байдлын төлөөх элчийн үүргийг гүйцэтгэнэ. Натали Пушкинова Чех улсын Прага дахь Чарльзын их сургуульд маркетинг, олон нийттэй харилцах чиглэлээр суралцдаг. Далайг хамгаалах үйлсэд сэтгэл зүрхэээ зориулсан сертификаттай шумбагч гэдэг нь түүнийг тэмцээний явцад илүү тодотгож байсан.
Шилдэгт үлдсэн оролцогчдоос "эцэг эх байх" гэсэн үгийн талаар асуухад Пушкинова 16 настайдаа аавыгаа алдсан тухай хувийн, сэтгэл хөдөлгөм түүхээ хуваалцжээ.
Аавыгаа алдсан нь түүний амьдралыг бүхэлд нь өөрчилсөн ч аав нь өөрийг нь дээрээс харж байдгийг мэддэг учраас хүсэл мөрөөдөл, хүрээлэн буй орчныхоо төлөө тэмцэх хүч чадлыг олж авсаар байгаа гэж тэр хэлсэн юм. Энэхүү хариулт шүүгчид болон үзэгчдийн сэтгэлд хүчтэй нөлөөлсөн байна.
"Miss Earth-2025" тэмцээний Miss Earth-Air” шагналыг Исландын мисс, “Miss Earth-Water” шагналыг Вьетнамын мисс, “Miss Earth-Fire” шагналыг Тайландын мисс тус тус хүртсэн байна.
Манай улсаас "Miss Earth-2025" тэмцээнд мисс Б.Номин-Эрдэнэ өрсөлдсөн юм.
Сэтгэгдэл (0)
Сэтгэгдэл бичигдээгүй байна