Засгийн газрын өнөөдрийн /2025.05.21/ хуралдаанаар Нисэх хүчин үүсч хөгжсөний 100 жилийн ойг тохиолдуулан Зэвсэгт хүчний Агаарын цэргийн дугаар ангийг Монгол Улс, ЗХУ-ын баатар, сансрын нисгэгч, хошууч генерал Ж.Гүррагчаагийн нэрэмжит болгохоор шийдвэрлэжээ.
Хошууч генерал Ж.Гүррагчаа уг ангид ажил хөдөлмөрийн гараагаа эхэлж, сансрын нисгэгч, Батлан хамгаалахын сайд, УИХ-ын гишүүн болж дэвшиж түүчээлж ажиллаж байсан юм.
Монгол Улсын баатар, ЗХУ-ын баатар, сансрын нисгэгч Жүгдэрдэмидийн Гүррагчаа 1981 оны 3 дугаар сарын 22-нд Союз-39 хөлгөөр нислэг үйлдэж, 7 хоног 20 цаг 42 минут 3 сeкундыг сансарт өнгөрүүлж, дэлхийг 124 удаа бүтэн тойрч, эх дэлхийдээ газардсан юм.
Ж.Гүррагчаа Ази тивийн 2 дахь, дэлхийн 101 дэх сансрын нисгэгч. Тэрбээр ЗХУ-ын сансрын нисгэгч В.А.Жанибeковын хамт сансарт ниссэн билээ.
Сэтгэгдэл (0)
Сэтгэгдэл бичигдээгүй байна