Засгийн газрын тогтоолын дагуу 2025 оны нэгдүгээр ээлжийн цэрэг татлагыг Төв аймгийн сумдад зохион байгуулж байна.
Төв аймгийн Засаг даргын Тамгын газрын Цэргийн штабын дарга хурандаа Т.Төмөрчөдөрөөр ахлуулсан бүрэлдэхүүн энэ сарын 21-ний өдрөөс эхлэн Төв аймгийн Эрдэнэ, Баяндэлгэр, Мөнгөнморьт, Архуст, Баянжаргалан сумдад ажиллаж, цэрэг татлагын үзлэгийг зохион байгуулжээ.
Тэд үргэлжлүүлэн Баянцагаан, Баян-Өнжүүл, Бүрэн, Дэлгэрхаан, Эрдэнэсант, Өндөрширээт, Алтанбулаг сумдад ажиллах бөгөөд цэргийн насны залуусын ирц, идэвх оролцоо өмнөх жилүүдийн адил өндөр байгааг дуулгаж байсан юм.
"Эх оронч Монгол-Их сэргэлтийн жил", "Батлан хамгаалахын бодлогын сэргэлт"-тэй холбогдуулан хугацаат цэргийн алба хаагчдад нийгэмд хэрэгцээтэй ажил мэргэжил эзэмшүүлж, англи хэл, компьютер, монгол бичиг, жолооны дамжаанд суралцуулж байгаа нь цэрэгт явах залуусын сонирхлыг нэмэгдүүлжээ.
Нөгөө талаар сумдын удирдлагуудорон нутгийнхаа залуустаа эх орныхоо өмнө хүлээсэн үүргээ ухамсарлах нөлөөллийг ажлыг сайн өрнүүлж байгааг нь Төв аймгийн Засаг даргын Тамгын газрын Цэргийн штабынхан тодотгож байсан юм.
Цэрэг татлагын үзлэгийн багт дотор, зүрхний судас, арьс-харшил, мэдрэл, гэмтэл-мэс засал, халдварт-сүрьеэ, нүд, чих хамар хоолой, БЗДХ, шүдний нарийн мэргэжлийн эмч нар ажиллаж байна.
Сэтгэгдэл (0)
Сэтгэгдэл бичигдээгүй байна