Хууль зүйн туслалцааны төвөөс төлбөрийн чадваргүй иргэдэд үнэ төлбөргүй хууль зүйн туслалцаа үзүүлэх үйлчилгээний хүртээмжийг нэмэгдүүлэх чиглэлээр Хөдөлмөр, халамжийн үйлчилгээний ерөнхий газартай хамтран ажиллахаар болжээ.
Монгол Улсын хууль, олон улсын гэрээнд заасан эрх, эрх чөлөө, хууль ёсны ашиг сонирхол нь зөрчигдсөн, хөндөгдсөн хүний хууль зүйн туслалцаа авах эрхийг хангах, төрөөс хууль зүйн туслалцааг үнэ төлбөргүй үзүүлэх, хөдөлмөр эрхлэлт, нийгмийн халамжийн үйлчилгээний хүрээнд зорилтот бүлгийн иргэдэд хууль зүйн зөвлөгөө, өмгөөллийн үйлчилгээг тухай бүр нь чанартай, хүртээмжтэй хүргэх эрх, хууль ёсны ашиг сонирхлыг хамгаалах зорилгоор хамтын ажиллагааны санамж бичиг байгуулсан байна.
Хамтын ажиллагааны хүрээнд талууд мэдээлэл солилцох, сургалт, нээлттэй өдөрлөг арга хэмжээг хамтран зохион байгуулж, зорилтот бүлгийн иргэдэд чиглэсэн төрийн үйлчилгээг нэг цонхны бодлогоор илүү үр дүнтэй, шуурхай хүргэхийг зорьж ажиллана.
Сэтгэгдэл (0)
Сэтгэгдэл бичигдээгүй байна