Засгийн газрын Хяналт хэрэгжүүлэх газрын дарга Ч.Өнөрбаяр Хүний эрхийн Үндэсний Комиссын дарга Д.Сүнжид тэргүүтэй тус комиссын төлөөллийг хүлээн авч уулзжээ. Энэ нь Засгийн газрын хяналт хэрэгжүүлэх газар болон Хүний эрхийн үндэсний комиссын хооронд хийж буй хамтын ажиллагааны талаарх хоёр дахь уулзалт болсон юм.
Засгийн Газрын Хяналт хэрэгжүүлэх газрын дарга Ч.Өнөрбаяр өмнөх уулзалтаар ажиллах төлөвлөгөөний цар хүрээг тохирч байсныг дурдаад энэ удаад хүний эрх, эрх чөлөөг хангаж ажиллах дээр ахиц дэвшил гаргах, Засгийн газрын харьяа болон төрийн байгууллагууд Хүний эрхийн Үндэсний комиссын дүгнэлттэй уялдаж ажиллах санал хүсэлтийг Засгийн газрын гишүүд гаргасан. Энэхүү чиглэл дээр төрийн байгууллагууд хоорондоо уялдаж ажиллахад анхаарах, санал зөвлөмжүүд нь тунхаг төдий биш ажил хэрэгч, ахиц дэвшил гарсан ажлуудыг хийхээр төлөвлөж байна. Монгол Улсын хүний эрхийн индексийг өсгөх, хүний эрхийн зөрчлүүдийг арилгахад бодитой ажлуудыг санаачлах, нөлөө үзүүлэх чиглэл дээр ажиллана гэдгийг онцолжээ.
Хүний эрхийн Үндэсний Комиссын дарга Д.Сүнжид тус комисст иргэд олон нийтээс ирдэг санал гомдлын хамгийн их нь эрүүл мэндийн байгууллага, боловсролын байгууллага, соёлын яам дээр байдаг. Ажил үүргийн дагуу энэхүү байгууллагууд дээр анхаарч ажиллаж өөрсдийн санал зөвлөмж, хяналт шалгалтын чиглэлээр хамтарч ажиллах саналтай байгааг дурдсан байна.
Засгийн газрын Хяналт хэрэгжүүлэх газар, Хүний эрхийн Үндэсний комисстой төрийн байгууллагуудын уялдаа холбоог хангах, хяналт шалгалтын ажлын дагуу иргэд олон нийтийн санал хүсэлтийг хуулийн хүрээнд хангаж ажиллах, хүний эрх, эрх чөлөөний зөрчил дээр мэдээлэл солилцох, сургалт сурталчилгааны чиглэл дээр нэгдсэн төлөвлөгөөтэй бодит үр дүнтэй хамтран ажиллахаар тогтжээ.
Сэтгэгдэл (0)
Сэтгэгдэл бичигдээгүй байна