Батлан хамгаалахын сайд С.Бямбацогт цэргийн алба хаагаад юу хожих, юу алдах талаар цахим хуудастаа ийнхүү бичжээ.
С.Бямбацогт "Цэргээс ирсэн залуус ааваасаа асуулгүй адуу наймаалцаж ээждээ хэлэлгүй эхнэр авах эрхтэй болдог гэж манай Монголчууд ярьдаг.
Энэ бол цэргийн алба хаагаад хэн болж ирдэгийг маш товчхон хэлсэн тодорхойлолт юм даа. Биеэ дааж сурсан, үүрэг хариуцлагаа ойлгож чадсан эр л эхнэр авна биздээ?
Ингэж л амьдралд хөл тавихад бэлтгэгдсэн жинхэнэ эрчүүд болж ирцгээдэг байж.
Цэргийн алба хаагаад ер нь юу хожих вэ?
Англи хэл зааж байна
Комьютерын сургалт орж байна
Буу буудаж, дрон нисгэж сурч
Жолооны хичээл зааж үнэмлэх олгож байна
Үндэсний Монгол бичгээ үзэж байна
Бие бялдар сэтгэлзүй нь тэгширч байна
Төрийн албанд ажиллах эрх нээгдэж байна
Бусадтай багаар ажиллаж, хоорондоо нөхөрлөж сурч байна
Улс орон, тусгаар тогтнолынхоо үнэ цэнийг улам сайн ойлгож мэдэж авч байна
Тэгвэл цэрэгт яваад юу алдах вэ?
Залхуурал, цаг барьж чаддаггүй байдал, хорт зуршил, донтолт, уур бухимдал, зөвхөн өөрийгөө л боддог зан, сэтгэл зүй бие бялдарын сул байдал гэх мэт дутагдлуудаас хэрэв байсан бол түүнийгээ алдана." гэжээ.
Сэтгэгдэл (0)
Сэтгэгдэл бичигдээгүй байна