Аж үйлдвэр, эрдэс баялгийн сайд Ц.Туваан БНХАУ-ын Бээжин хотод ажиллах үеэрээ тус улсын төрийн өмчит Газрын тос, байгалийн хийн үндэсний корпораци (CNPC)-ийн Ерөнхий захирал Хоу Цизүнь, Дэд ерөнхий захирал Жан Давэй тэргүүтэй тус компанийн төлөөлөлтэй уулзалт хийсэн.
Cи Эн Пи Си компанийн охин компани болох Дачин ойлфийлд компани нь 65 гаруй жилийн түүхтэй, Дачингийн орд газар нь Хятадын томоохон орд газруудын нэг бөгөөд ашиглалтад шилжсэнээс хойш өнөөдрийг хүртэл хугацаанд 2,5 тэрбум тонн түүхийг тос олборлосон нь Хятад Улсын хэмжээнд олборлосон нийт түүхий тосны 30 хувийг эзэлдэг.
Мөн Си Эн Пи Си компани нь нефтийн боловсруулалт, газрын тосны бүтээгдэхүүн үйлдвэрлэх хүчин чадал өндөртэй, жилд 100 гаруй сая тонн нефтийн бүтээгдэхүүн үйлдвэрлэдэг ба Монгол Улсын зах зээлд бүтээгдэхүүн нийлүүлэх бүрэн боломжтой гэдгийг тус корпорацийн ерөнхий захирал Хоу Цизүнь онцолсон байна.
Талууд хамтын ажиллагааны урт хугацааны гэрээ байгуулах, тээвэр логистикийн боломж, нөхцөлийг бүрдүүлэх, тогтвортой хамтран ажиллах шаардлагатай байгаа талаар байр сууриа илэрхийлжээ.
Сэтгэгдэл (0)
Сэтгэгдэл бичигдээгүй байна