Засгийн газрын Хяналт хэрэгжүүлэх газраас Процессын дахин инженерчлэл хийх нийтлэг аргачлал, гарын авлагын төслийг танилцуулах сургалт хэлэлцүүлэг өнөөдөр (2024.12.23) болжээ.
Хэлэлцүүлэгт төрийн байгууллага, олон улсын байгууллага, хувийн хэвшлийн нийт 41 байгууллагын төлөөллүүд санал өгөхөөр оролцсон байна.
Засгийн газрын Хяналт хэрэгжүүлэх газрын дарга Ч.Өнөрбаяр хэлэлцүүлгийг нээж төрийн бүтээмжийг нэмэгдүүлэх, шийдвэр гаргалт оновчтой байх, цомхон бодитой байхын тулд процессын дахин инженерчлэл хийгддэг болохыг онцлов.
Мөн цаашид олон байгуулага дээр процессын дахин инженерчлэл хийгдэхэд сайн гарын авлага чухал. Олон судлаачид ажилласан үр дүнтэй саналууд гарын авлагын төсөлд тусгагдсан. Процессын дахин инженерчлэлийг Байгаль орчин уур амьсгалын өөрчлөлтийн яам, Ойн газар, Цагдаагийн байгууллага дээр хийгдэх бөгөөд цаашид УИХ-ын Тамгын газар, төрийн байгууллагууд, хувийн хэвшилтэй хамтарч ажиллах болно. Энэхүү хэлэлцүүлгийн нь зарчмын нэг ойлголттой нэгдсэн чиглэлтэй болох, арга зүйн нэгдсэн гарын авлага боловсруулах чухал хэлэлцүүлэг гэдгийг тэмдэглэсэн юм.
Төрийн байгууллагын үйл ажиллагааг дахин инженерчлэх (GPR)-ийн үндсэн ойлголт ач холбогдлыг ойлгуулж, практикт хэрэгжүүлэх чадвар эзэмшихэд нь дэмжлэг үзүүлэх одоогийн үйл явцыг шинжлэх, сайжруулах боломжуудыг тодорхойлох, шинэчилсэн ажлын урсгалыг төлөвлөж хэрэгжүүлэх, дижитал технологийг ашиглан төрийн байгууллагын үйл ажиллагаа, төрийн үйлчилгээг илүү үр ашигтай, иргэдэд ээлтэй болгох, чиглүүлэх нь процессын дахин инженерчлэлийн гол зорилго юм.
Сэтгэгдэл (0)
Сэтгэгдэл бичигдээгүй байна