ШҮҮХИЙН ЕРӨНХИЙ ЗӨВЛӨЛИЙН ГИШҮҮНД НЭР ДЭВШИГЧТЭЙ ХИЙХ ТОМИЛГООНЫ СОНСГОЛД ОРОЛЦОХ ХҮСЭЛТЭЙ БОЛ 3-НААС ӨМНӨ БҮРТГҮҮЛНЭ

УИХ-ын Хууль зүйн байнгын хорооны 2024 оны 10 дугаар сарын 22-ны өдрийн 05 дугаар  тогтоолоор байгуулагдсан Шүүхийн ерөнхий зөвлөлийн шүүгч бус гишүүнийг сонгон шалгаруулах үүрэг бүхий ажлын хэсэг 

• хууль, журамд заасны дагуу сонгон шалгаруулалтын зарыг нийтэд мэдээлэх, 
• нэр дэвших тухай хүсэлт, материалыг хүлээн авах, 
• ажлын хэсэг байгуулах, 
• нэр дэвшигчээр бүртгэж, нийтэд мэдээлэх, 
• нэр дэвшигчийн баримт бичгийг parliament.mn цахим хуудсанд байршуулах, 
• нэр дэвшигчийн талаар мэдээлэл цуглуулах, бүрдүүлэх, 
• ажлын хэсгийн ярилцлага зохион байгуулах, 
• нэр дэвшигчийг тодруулан Улсын Их Хуралд санал болгох гэсэн 8 үе шатны хүрээнд ажилласан.

Сонгон шалгаруулалтын ажлын хэсэг 2024 оны 11 дүгээр сарын 18-ны өдөр хуралдаж Улсын Их Хуралд санал болгох нэр дэвшигчдийг тодруулсан юм.

1.    С.Энхбаатар

2.    М.Алтан-Очир

Хууль зүйн байнгын хорооны 2024 оны 11 дүгээр сарын 19-ний өдрийн хуралдаанаар Шүүхийн ерөнхий зөвлөлийн шүүгч бус гишүүнд нэр дэвшигч 2 иргэнтэй хийх “ТОМИЛГООНЫ СОНСГОЛ”-ыг 2024 оны 12 дугаар сарын 11-ний өдөр зохион байгуулахаар тогтсон. 

Томилгооны сонсголд оролцох хүсэлтэй иргэн, хуулийн этгээд, хэвлэл мэдээлэл, олон нийтийн байгууллагын төлөөлөл “Томилгооны сонсголд оролцогчийн бүртгэлийн хуудас”-ыг бөглөж, 2024 оны 12 дугаар сарын 3-ны өдрийн 17.00 цагаас өмнө galsanbatb@parliament.mn имэйл хаягаар ирүүлнэ.

Бүртгэлийн хуудсыг эндээс татаж авах боломжтой.