Аж үйлдвэр, эрдэс баялгийн сайд Ц.Туваан Засгийн газрын өнөөдрийн /2024.10.09/ хуралдаанд Боловсруулах үйлдвэрүүдийн судалгаа, байршлын талаарх танилцуулга болон Аж үйлдвэржилтийн үндэсний хороо байгуулах асуудлыг танилцуулж, шийдвэрлүүлжээ.
Монгол Улсын Засгийн газрын 2024-2028 оны үйл ажиллагааны хөтөлбөрт 14 мега төслийг хэрэгжүүлэхээр тусгасан бөгөөд эдгээр төсөл болон бусад төслүүдийг үйлдвэрлэл, технологийн паркийн хүрээнд хэрэгжүүлэхээр байна. Үүнд:
•Зэс боловсруулах цогцолбор,
•Гангийн цогцолбор,
•Нүүрс-хими, кокс-химийн цогцолбор,
•Газрын тос боловсруулах үйлдвэр
•Алт цэвэршүүлэх үйлдвэр
Энэхүү төслүүдийн зарим судалгаа, байршил, эдийн засгийн тооцооллыг салбарын сайд Ц.Туваан Засгийн газрын хуралдаанд танилцуулсан байна.
Засгийн газраас Эдийн засгийг тэлэх, аж үйлдвэрийн төслүүдийг эрчимжүүлэх, үйл ажиллагааны уялдааг хангах үүрэг бүхий Аж үйлдвэржилтийн үндэсний хороог байгуулах тогтоол албажихаар болжээ.
Сэтгэгдэл (0)
Сэтгэгдэл бичигдээгүй байна